網紅的藏寶箱0701 - 0702 宇宙船 扭蛋劇場 香港香港
A: 尋日去咗邊呀？
N: 睇馬囉。
A: 有馬睇咩？
N: 有，馬照跑㗎嘛。
A: 唔見有新聞講……
N: 有新聞睇咩？
A: 有，有啩。
A: 咁有冇贏呀？
N: 咩有冇贏呀？
A: 你又話睇馬嘅？
N: 哦！有呀。
A: 贏幾多呀？
N: 贏晒喎。
A: 有得贏晒㗎咩？
N: 啲馬？唔跌低當贏㗎啦~唔係咩？
A: 咁，冇邊隻跑出咩？
N: 冇㗎喎，全部一式一樣，冇乜邊隻特別出色。
A: 喂唔係喎，夏天啲馬唔係抖暑咩。
N: 夏天有夏天馬㗎嘛。
A: 有㗎咩？
N: 有，水馬囉。
A: 水馬有咩好睇呀。
N: 以前冇機會靜靜地睇，以前剩係掛住推~
A: 下？
N: 哦係呀，以前做地盤。
A: 而家呢？
N: 而家？而家唔啦，而家做地盤搵唔到食。
A: 搵唔到食咩？
N: 有頭盔都係唔太方便搵食。
A: 都係嘅，你咁靚仔，都係適合拋頭露面多啲。
Search